Կարևոր է հայ-ադրբեջանական սահմանին տիրող իրադարձությունների սրացման դադարեցումը. ՀՀ-ում Գերմանիայի դեսպան

Հայաստանում Գերմանիայի Դաշնային Հարապետության արտակարգ և լիազոր դեսպանը բարձր է գնահատում հայ-ադրբեջանական սահմանին իրադարձությունների սրացման դադարեցումը: Այս մասին դեսպան Մաթիաս Քիսլերն ասել է «Արմենպրես»-ի հետ զրույցում:

«Շատ կարևոր է, որպեսզի դադարեցվի այդ իրադարձությունների սրացումը, որպեսզի կողմերը կարողանան վերադառնալ այն ուղղուն, որտեղից կարելի է նորից սկսել բանակցել: Ես կգովաբանեմ և արժանին կմատուցեմ ԵԱՀԿ Մինսկի համանախագահների ջանքերին այդ հարցում», – ասել է Մաթիաս Քիսլերը: