Անցած տարին Ջոն Տրավոլտայի համար շատ անհաջող էր: Constellation Productions Inc. կայքի հաղորդմամբ՝ դերասանի դեմ ընդհանուր առմամբ 6 բողոք է ներկայացվել, որոնք հիմնականում վերաբերում էին Ջոն Տրավոլտայի կողմից արական սեռի ներկայացուցիչների հանդեպ կատարած սեռական ոտնձգություններին: Դա հանգեցրել է նրան, որ դերասանը ստիպված է եղել կոնֆլիկտը կարգավորելու համար 84.000 դոլար վճարել: Դրա մի մասը ուղարկվել է Չիկագո՝ մի սպորտային բժշկի, ում հայտարարությունը ավելի վաղ հրապարակված չէր, իսկ մյուս մասը՝ 80.750 դոլար, փոխանցվել է անհայտ մերսողի:
Հիշեցնենք, որ 2012թ. մայիս ամսին Ջոն Տրավոլտայի դեմ երկու անհայտ մերսողներ ներկայացրել էին բողոքներ: Դերասանին մեղադրել էին սեռական ոտնձգությունների մեջ: Որպես փոխհատուցում մերսողները 2 միլիոն դոլար էին պահանջել:
Սա արական սեռի ներկայացուցիչների կողմից Ջոն Տրավոլտայի դեմ սեռական ոտնձգության առաջին մեղադրանքը չէ: 2009թ. զբոսանավի ուղեկցողը նույնպես Տրավոլտային մեղադրել է սեռական ոտնձգության մեջ: Ավելի ուշ նա հայտարարել է, որ Ջոնը առաջարկել է սկանդալը կարգավորել 12.000 հազար դոլարով: Փետրվար ամսին կողմերը պայմանավորվել են դադարեցնել գործը: Այս մասին տեղեկացնում է The Hollywood Reporter-ը:
