Ամերիկյան ավիաշինական Boeing կորպորացիան ավարտել է իր նոր ուղևորատար Boeing-787 Dreamliner-ի փորձարկումը՝ կատարելագործված մարտկոցների ստուգման նպատակով: Մոտ ժամանակներս ընկերությունը անցկացված փորձարկումների մասին տվյալները կտրամադրի ԱՄՆ-ի քաղավիացիայի դաշնային վարչությանը:
Ընկերության ներկայացուցիչները հույս ունեն, որ ստուգման արդյունքները կբավարարեն դաշնային վարչությանը, և Dreamliner-ներին կրկին թույլ կտան թռիչքներ իրականացնել: Ամերիկյան ընկերության հաղորդագրության մեջ նշվում է, որ փորձարկումներն անցել են համաձայն պլանի, որևէ անսպասելի իրավիճակներ չեն գրանցվել:
Չնայած այն բանին, որ կատարելագործված մարտկոց ները ցուցաբերել են կայուն աշխատանք, մինչ օրս անհասկանալի է, թե որն էր մարտկոցների խափանման իրական պատճառը:
Իրադարձությունների դրական զարգացման դեպքում օդանավերը կվերսկսեն թռիչքները արդեն մայիսին: Օդանավերի շահագործումը հունվարին դադարեցվել էր ԱՄՆ-ում, այնուհետև մի շարք այլ երկրներում: Մարտկոցների հետ կապված խնդրի պատճառաով այդ օդանավերում երկու անգամ ծխի արձակման դեպքեր են գրանցվել:
