Նյույորքյան Hypersonic դիզայն-ստուդիան մի անսովոր ռոբոտ է ստեղծել, որը սուրճի կաթնափրփուրի վրա մարդկանց դիմանկարներ է պատկերում: Սուրճի պատվիրատուի դեմքը պատկերելու համար ռոբոտը դիմագծերը վերլուծում է իրական ժամանակի ընթացքում: Ռոբոտը միանում է այն համակարգչին, որի վրա տեղադրված է լուսանկարի մշակման ծրագիրը:
Հարկ է նշել, որ նկարները բավականին մասնագիտորեն են արվում: Մեկ դիմանկարի համար միջինը 1 րոպե է ծախսվում: Այս նպատակի համար լավագույնը կապուչինոն և լատտեն են ծառայում: Բացառված չէ, որ սեփական դիմանկարով սուրճը ավելի համեղ կլինի: Առայժմ գործում է ռոբոտի մեկ օրինակ, և դրա սերիական արտադրությունը չի ծրագրվում։
