Երգչուհի Բեյոնսեն և ռեփեր Ջեյ-Զին նշում են «փայտե հարսանիքը»՝ ծանոթանալով Հավանայի տեսարժան վայրերին և շփվելով իրենց կուբացի երկրպագուների հետ:
Ուրբաթ օրը զույգն այցելել է մայրաքաղաքի արևմուտքում գտնվող Կուբայի արվեստի բարձրագույն ինստիտուտ: Նրանց ուղեկցել են 5 թիկնապահ և երկրպագուների բանակը: Ինստիտուտում կես ժամ անցկացնելուց հետո ամուսինները գնացել են Հավանայի կենտրոնում գտնվող «Սարատոգա» հյուրանոց:
Քանի որ ԱՄՆ-ից չի թույլատրվում Կուբա մեկնել, ուստի պաշտոնական այցը անօրինական կհամարվեր. Բեյոնսեն և Ջեյ-Զին կազմակերպիչներին խնդրել են իրենց զերծ պահել մամուլի հետ շփումից:
Մի քանի օրվա ընթացքում երգչուհին և ռեփերը՝ իրենց մայրիկների ուղեկցությամբ, այցելել են La Guarida ռեստորան, որտեղ նրանք ճաշակել են մեղրի լցոնով հավ, կիտրոնով ձկան ֆիլե և փորձել դայկիրի՝ Էռնեստ Հեմինգուեյի սիրելի կոկտեյլը: Նրանք եղել են նաև Հին Հավանայում, ինչպես նաև դիտել «Մոխրոտիկը՝ համաձայն Beatles»-ի ներկայացումը:
