«ԱրմԹեք» համաժողովը բացառիկ հարթակ է, որտեղ կարողանում ես ի մի բերել ՏՏ ոլորտի հաջողություններն ու ձեռքբերումները համաշխարհային ասպարեզում,- «Առաջին լրատվական»-ի հետ զրույցում նշեց «Սինոփսիս Արմենիա» ընկերության տնօրեն Հովիկ Մուսայելյանը,- այս տարիների ընթացքում մենք ֆանտաստիկ զարգացումներ ենք ունեցել: Մենք գլոբալ, վերազգային ընկերություն ենք, ոչ մի հայկական էֆեկտ այս ընկերության մեջ չկա, բացի նրանից, որ մի մեծ մասնաճյուղ Հայաստանում է գործում, և ինժեներները հայ են:
Վերջին տարիներին այսպիսի վերազգային այլ ընկերություններ էլ է բացահայտել Հայաստանը, որոնց համար ամենակարևոր չափանիշը շահութաբեր, արդյունավետ բիզնեսն է: Այս ոլորտում զգալի զարգացումներ կան:
Մենք ունեք 720 աշխատող, սակայն դեռևս 2000-2500 որակյալ կադրերի պակաս կա Հայաստանում»:
Մեր զրուցակիցը նշեց նաև, որ նոր, որակյալ կադրեր պատրաստելու նպատակով ծրագրեր են իրականացնում՝ ներգրավելով նաև դպրոցականներին և ողջունում են կանանց մուտքն այս ոլորտ»:
