ԱՄՆ-ի և Թուրքիայի պաշտպանության նախարարներ Էշթոն Քարթերն ու Վեչդի Գոնուլը հինգշաբթի Բրյուսելում քննարկել են իրավիճակը Սիրիայում և պայքարը ԴԱԻՇ-ի դեմ։ Այս մասին հայտնում է Պենտագոնը՝ փոխանցում է RIA Novosti-ն։
«Նախարար Քարթերը հաստատել է Թուրքիայի անվտանգության նկատմամբ ԱՄՆ-ի և ՆԱՏՕ-ի անսասան հանձնառությունը՝ կապված Ռուսաստանի կողմից երկրի օդային տարածքի խախտման վերջին դեպքերի հետ»,- ասվում է հաղորդագրությունում։
Կողմերը քննարկել են նաև Թուրքիայի ներդրումը ԴԱԻՇ-ի դեմ պայքարում։ Քարթերը երախտագիտություն է հայտնել թուրքական կողմին Ինջիրլիք ավիաբազան կոալիցիոն ուժերին տրամադրելու համար։
«Նախարարներ Քարթերն ու Գոնուլը քննարկել են ԴԱԻՇ-ի դեմ պայքարի ուժեղացման հետագա քայլերն ու Թուրքիայի հարավային սահմանի անվտանգության ապահովումը, այդ թվում՝ օտարերկրացի գրոհայինների տարանցման դեմ միջոցառումները»,- ասվում է հաղորդագրությունում։
Բրյուսելում Քարթերն ու Գոնուլը մասնակցել են ՆԱՏՕ-ի երկրների պաշտպանության նախարարների հանդիպմանը։
