Երևանի քաղաքապետ Տարոն Մարգարյանը հանդիպել է «Ապագա» հայ երիտասարդների կրթական նորարական համաժողովի երիտասարդների պատվիրակության հետ: Հանդիպմանը ներկա է եղել նաև Մոսկվայում Երևանի քաղաքապետարանի ներկայացուցչության ղեկավար Մակար Նահապետյանը: Ինչպես տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից, առանձնակի կարևորելով երի տասարդության ակտիվ մասնակցությունը քաղաքային տնտեսության տարբեր բնագավառներում իրականացվող ծրագրերին` քաղաքապետ Տարոն Մարգարյանն ընդգծել է, որ Երևանի քաղաքապետարանը մշտապես պատրաստ է լսելու և քննարկելու Երևանի զարգացմանն ուղղված երիտասարդների կառուցողական առաջարկները:
«Երիտասարդությանն առնչվող հարցերը միշտ եղել են Երևանի քաղաքապետարանի ուշադրության կենտրոնում, իսկ երիտասարդների հետ տարվող աշխատանքներն էլ՝ դիտվել մեր առաջնահերթությունների շարքում: Հենց այդ նպատակով էր Երևանի քաղաքապետին կից երիտասարդների խորհրդի ստեղծումը, որն այսօր իր անմիջական ու կարևոր մասնակցությունն ունի մայրաքաղաքում իրականացվող բոլոր ծրագրերում, որոնց մի մասը, ի դեպ, հենց երիտասարդության կողմից արված առաջարկությունների հիման վրա է կազմվում: Երևանի քաղաքապետարանում այսօր հարյուրավոր երիտասարդներ են աշխատում, ովքեÖ € իրենց կարևոր ներդրումն ունեն մեր քաղաքի զարգացման պատասխանատու գործում: Անշուշտ, պատրաստ ենք նաև ձեզ հետ քննարկել համագործակցության հնարավոր ուղղություններն ու ծավալել արդյունավետ փոխգործակցություն»,- ընդգծել է քաղաքապետը: Տարոն Մարգարյանը նաև համոզմունք է հայտնել, որ այս օրերին քաղաքում իշխող բարձր տրամադրությունը կփոխանցվի նաև մայրաքաղաքում հյուրընկալված երիտասարդներին, և նրանք նույնպես կդառնան տոնի անմիջական մասնակիցը: Շնորհակալություն հայտնելով ջերմ ընդունելության համար և շնորհավորելով քաղաքապետ Տ արոն Մարգարյանին Երևանի օրվա առթիվ` պատվիրակության անդամներն իրենց հերթին ընդգծել են, որ մեծ սիրով են մասնակցելու տոնակատարություններին: Կարևորելով Երևանի քաղաքապետի մոտեցումները երիտասարդության ներուժն օգտագործելու հարցում` վերջիններս իրենց պատրաստակամությունն են հայտնել մասնակիցը դառնալու մայրաքաղաքում կյանքի կոչվող տարբեր ծրագրերին:
Հանդիպման շրջանակում երիտասարդները նաև քաղաքային տնտեսության տարբեր ոլորտների զարգացման հետ կապված իրենց առաջարկներն են ներկայացրել քաղաքապետին: Ողջունելով նրանց հետաքրքրությունը` Տարոն Մարգարյանն առաջարկել է սերտացնել փոխգործակցությունը Երևանի քաղաքապետին կից երիտասարդության հարցերի խորհրդի հետ ու այդ առաջարկները ներկայացնել կոնկրետ ծրագրերի տեսքով:
«Երիտասարդությունը հզոր շարժիչ ուժ է, որը նաև ապագայի հույսն ու երաշխիքն է, և մենք մեր լիազորությունների շրջանակում մշտապես շարունակելու ենք լինել մեր այն երիտասարդների կողքին, ովքեր իրենց լուման կարող են ներդնել Երևանի զարգացման գործում»,- ընդգծել է քաղաքապետը:
