40-ամյա դերասան Լեոնարդո Դի Կապրիոն արդեն մի քանի ամիս է՝ հանդիպում է 24-ամյա մոդել Քելլի Ռորբախի հետ, և «իրազեկ աղբյուրների» պնդմամբ՝ պատրաստվում է շուտով օրինականացնել նրա հետ հարաբերությունները: Այս մասին հայտնում է spletnik.ru-ն՝ հղում անելով ԶԼՄ-ների հրապարակումներին:
Միակ ապացույցն առայժմ ներքին աղբյուրի խոսքերն են, թե՝ Լեոնարդոն Քելլիին առաջարկություն է արել սեպտեմբերի 26-ին՝ Նյու Յորքի ռեստորանում ընթրիքի ժամանակ:
«Դա նույնիսկ ծրագրված չէր, պարզապես տեղի ունեցավ: Նրանք զրուցում էին և գինի խմում, իսկ հետո Լեոն հանկարծ կանգ առավ, նայեց նրան և ասաց, որ ցանկանում է նրա հետ անցկացնել մնացած ողջ կյանքը: Քելլին շոկի մեջ էր, բայց Լեոն նրան վստահեցրեց, որ լուրջ է խոսում: Եվ այդ ժամանակ նա համաձայնվեց, և ամեն ինչ ավարտվեց երկարատև համբույրով»,- ասել է աղբյուրը:
