ԱԺ-ում Հովիկ Աբրահամյանի «անվտանգության» նկատառումներից ելնելով խոչընդոտվել է լրագրողների աշխատանքը

Այսօր ԱԺ-ում կառավարության հետ հարցուպատասխանից առաջ ԱԺ-ում  հավատարմագրված լրագրողների աշխատանքը խոչընդոտվել է և սահմանափակվել նրանց ազատ տեղաշարժը խորհրդարանի շենքում։ Բանն այն է, որ երբ լրագրողները որոշել են վարչապետ Հովիկ Աբրահամյանին սպասել ԱԺ շենքից դուրս՝ մուտքի մոտ որպեսզի նախարարներին եւ վարչապետ Հովիկ Աբրահամյանին որոշակի հարցեր ուղղեին, սակայն ԱԺ  լրատվության և հասաակայնության հետ կապերի վարչության պետ Արսեն Բաբայանը և ԱԺ անվտանգության պետը փակել են լրագրողների ճանապարհը: Նրանք թույլ չեն տվել լրագրողներին մոտենալ ԱԺ շենքի այն մուտքին, որով վարչապետ Հովիկ Աբրահամյանը պետք է մուտք գործեր խորհրդարան։ Արսեն Բաբայանը այդ ամենը բացատրել է անվտանգության նկատառումներից ելնելով։