Նյու Յորքում արագ սննդի ռեստորանների հայտնի ցանցերի աշխատակիցները բողոքի ակցիա են անցկացրել՝ պահանջելով բարձրացնել աշխատավարձը:
Ինչպես հաղորդում է ITAR-TASS-ը, բողոքի ակցիային մասնակցել է McDonald’s-ի, Burger King-ի, Wendy’s-ի, KFC-ի, Pizza Hut-ի, Domino’s-ի առնվազն 400 աշխատակից: Ցուցարարները պահանջել են գրեթե երկու անգամ բարձրացնել նվազագույն աշխատավարձը՝ մեկ ժամվա համար մինչև 15 դոլար:
«Այնպիսի կորպորացիաներ, ինչպիսին է McDonald’s-ը, հսկայական եկամուտներ է ստանում: Մենք ցանկանում ենք, որպեսզի նրանք մի քիչ հարգանք ցուցաբերեն իրենց աշխատակիցների նկատմամբ: Նյու Յորքում հնարավոր չէ ապրել այն գումարով, որ մենք ենք ստանում»,- ասել է Մանհեթենի ռեստորաններից մեկի երիտասարդ աշխատակցուհին:
Ցույցերի պատճառով հինգշաբթի ռեստորանները սովորականից ավելի ուշ են բացվել և ավելի դանդաղ են սպասարկել, սակայն աշխատանքի լուրջ խախտումներ չեն գրանցվել:
Կազմակերպիչների խոսքով՝ այս ակցիան, ամենայն հավանականությամբ, դարձել է ամենախոշորը պատմության մեջ: Վերջին անգամ արագ սննդի ռեստորանների աշխատակիցները Նյու Յորքում բողոքի ցույց են կազմակերպել 2012թ. նոյեմբերին: Այդ ժամանակ ցույցերին մասնակցել է երկու անգամ քիչ մարդ, քան հիմա:
Ներկայում Նյու Յորքում նվազագույն աշխատավարձը կազմում է 7.25 դոլար՝ մեկ ժամի դիմաց: Նշենք, որ ակցիան նվիրված էր ԱՄՆ-ում ռասայական խտրականության դեմ պայքարի մարտիկ, Նոբելյան մրցանակի դափնեկիր Մարտին Լյութեր Քինգի սպանության 45-րդ տարելիցին:
