Ավստրալիայում օրինականացվել են միասեռ զուգընկերների տարբեր ձևերը տեղային մակարդակով: Այժմ այնտեղ սպասում են համասեռամոլ ամուսնությունների համատարած օրինականացման: Տնտեսագետները կարծում են, որ երկրի բյուջեի համար այդ քայլը կբերի տարեկան 500 մլն դոլարի շահույթ՝ հայտնում է NEWSru.com-ը:
Նախ՝ դա բարենպաստ ազդեցություն կունենա փոքր բիզնեսի վրա, որը ներգրավված է հարսանեկան հանդիսությունների և մեղրամիսների կազմակերպման ինդուստրիայում: Ավստրալիայոմ ամուսինները հարսանեկան ծախսերի համար միջինը հատկացնում են մոտ 51.000 դոլար:
Բացի դրանից՝ Ավստրալիան զբոսաշրջիկների և համաշխարհային հանրության աչքերում կներկայանա որպես շատ ավելի հանդուրժող և առաջադեմ երկիր, ինչը անխուսափելիորեն կանդրադառնա երկրի տնտեսությունում արտասահմանյան ներդրումների վրա:
2011թ. Ավստրալիայում հաշվվել է մոտ 34.000 միասեռ զույգ: Նրանց 98%-ը նշել է, որ իրենք փաստացի լուրջ հարաբերություններ ունեն և իրենց որակում են որպես ընտանիք: Ըստ կանխատեսումների՝ մինչև 2016թ. երկրում միասեռ զույգերի թիվը կավելանա 3-4 հազարով:
