Խոշորագույն հետազոտությունն ապացուցում է, որ տղամարդոը պատրաստ է ներել կնոջը և նախկինի պես սիրել նրան նույնիսկ այն բանից հետո, երբ նա դավաճանել է: Մոտ մեկ տարի տևած հետազոտությանը մասնակցել են ավելի քան 1500 տղամարդիկ, որոնց երբևէ դավաճանել են կանայք: Պարզվել է, որ նրանց 71 %-ը նախկինի պես սիրում է կնոջը, չնայած դրսում եղած սիրավեպերին: Այդ արդյունքները մեծ նշանակություն ունեն, քանի որ լիովին հերքում են այն տեսակետը, որ կանանց դավաճանությունն, ի տարբերություն տղամարդկանց դավաճանության, չի մոռացվում:
Իսկ ի՞նչ է տեղի ունենում, և ի՞նչն է ստիպում տղամարդկանց ներել իրենց դավաճան կանանց: Հարցվածների միայն 7,9 %-ն է հայտարարել, որ նույնիսկ չի փորձել փրկել իրենց ամուսնությունը և հեռացել է առանց մտածելու: 92 %-ը հաղորդել է, որ կա՛մ ցանկացել են փրկել իրենց ամուսնությունը, կա՛մ էլ վստահ չի եղել դավաճանության փաստին, քանի որ իր աչքով չի տեսել: Դա նշանակում է, որ տղամարդկանց մեծամասնությունը ամուսնալուծության նախաձեռնող չէ: Նրանք շատ են ցանկանում պահպանել ընտանիքը, չնայած ներքին ցավին ու վնասվածքներին:
Հարցված տղամարդկանց 91,1 %-ը հայտարարել է, որ կանանց դավաճանությունն ամենածանր հարվածն է, որի միջով ստիպված են անցնել շատ տղամարդիկ: Միայն 8,9 %-ն է վստահեցրել, որ ավելի վատ բաներ էլ են լինում, ինչպես օրինակ՝ բանակում ծառայելը, ծանր վնասվածքները, կամ էլ մտերիմների մահը կարճ ժամանակահատվածում: Տղամարդկանց մեծ մասը բարոյապես պատրաստ չի եղել կնոջ դավաճանությանը և պնդում է, որ ուժեղ էմոցիոնալ հարված է տարել:
