Ինչպես ավելի վաղ տեղեկացրել էիք, ԱԺ նախագահ Հովիկ Աբրահամյանը ՀՀԿ Գերագույն մարմնի նիստից առաջ զրուցեց կուսակցության շենքի մոտ հավաքված անտուն բնակիչների հետ:
Հանրապետության փողոցի երկրորդ նրբանցքից մինչև Ֆիրդուսու փողոց տանող ճանապարհին եղած սեփական տները քանդվել են, սակայն բնակիչներին տներ չեն հատկացվել: ԱԺ նախագահը խոստացավ այդ հարցը բարձրացնել նիստի ժամանակ:
Նիստի ավարտից հետո Հովիկ Աբրահամյանին դիմավորեցին արդեն Բյուզանդի փողոցի անտուն մնացած բնակիչները։ «Դուք հլը ստեղ ե՞ք»,- հարցրեց Աբրահամյանը՝ նրանց շփոթելով Հանրապետության փողոցի բնակիչների հետ։
«Ես դա ինձնից չեմ ուզում քցեմ»,- հայտարարեց նա՝ ապա իմանալով, որ այլ փողոցի բնակիչներ են, խոստացավ վաղն առավոտյան նրանց հետ հանդիպում նշանակել այն մարդու հետ, ով կկարողանա զբաղվել այդ հարցով, քանի որ, ըստ նրա, ԱԺ նախագահի լիազորությունների մեջ նման հարցերով զբաղվելը չի մտնում:
Ի դեպ, լրագրողներն, օգտվելով առիթից, հարց ուղղեցին Հ. Աբրահամյանին, թե զրուցե՞լ է իր խնամի, ԲՀԿ առաջնորդ Գագիկ Ծառուկյանի հետ, մասնակցելո՞ւ է նա Սերժ Սարգսյանի երդմնակալության արարողությանը։
«Ընդհանրապես մեր կուսակցության հարցերը մենք մեր կուսակցության մեջ ենք քննարկում, իսկ մասնակցելու համար տեղյակ չեմ, չեմ հարցրել՝ ճիշտն ասած»,- պատասխանեց նա:
Մանրամասները՝ տեսանյութում
