Ապրիլի 7-ին, ժամը 18.20-ին, ոստիկանության Շենգավիթի բաժնում հաղորդում էր ստացվել, որ Նոր Խարբերդի ամառանոցներից մեկից, դռան փականները կոտրելով, գողացել են հեռուստացույց, ջրի պոմպ և կենցաղային իրեր:
Ոստիկանների ձեռնարկած միջոցառումների շնորհիվ պարզվել է, որ գողությունը կատարել է նույն թաղամասում գտնվող մեկ այլ տնից գողություն կատարելու համար ապրիլի 21-ին բերման ենթարկված, 18-ամյա Արման Մ.-ն:
Արման Մ.-ն ձերբակալված է:
Կատարվում է նախաքննություն:
Ապրիլի 21-ին, ժամը 18.00-ին, Նուբարաշեն թաղամասի մի բնակչուհի ոստիկանության Նուբարաշենի բաժանմունքում հաղորդում էր տվել, որ գիշերը, իր հողամասից գողացել են ամրալարեր, տարբեր տրամաչափի խողովակներ և ջեռուցման մարտկոցներ:
Ոստիկանները ապրիլի 22-ի առավոտյան, նշված գողությունը կատարելու կասկածանքով, բերման են ենթարկել նույն թաղամասի բնակիչներ՝ 1975 թ. ծնված Կարեն Վ.-ին, 1984 թ. ծնված Կարեն Հ.-ին, 1990 թ. ծնված Տիգրան Ս.-ին և 1956 թ. ծնված Աղավնի Գ.-ին: Նրանք խոստովանել են, որ հանցագործությունը կատարել են
իրենք:
Գողոնը մասամբ առգրավված է:
Կատարվում է նախաքննություն:
