ՅՈՒՆԵՍԿՕ-ն ԴԱԻՇ-ին մեղադրել է «մշակութային զտման» մեջ

ՅՈւՆԵՍԿՕ-ի գլխավոր տնօրեն Իրինա Բոկովան հայտարարել է, որ ԴԱԻՇ-ն ու այլ նման խմբավորումներ զբաղվում են Մերձավոր Արևելքում «մշակութային զտմամբ»՝ գրում է The Indepdendent-ը։

Նրա կարծիքով՝ վերջին մի քանի տարիների ընթացքում աշխարհը ցնցվել է պատմական և մշակութային նշանակության վայրերի ավերածությունների մասշտաբներից։

«Ես դա անվանում եմ մշակութային զտում»,- ասել է Բոկովան՝ ընդգծելով, որ հուշարձանների ոչնչացումը կհանգեցնի մշակութային ինքնության կորստի։

Այսօր ավելի վաղ հաղորդվել էր, որ ԴԱԻՇ-ի գրոհայինները Պալմիրայում պայթեցրել են Հաղթանակի կամարը, ինչը միջազգային վրդովմունք էր առաջացրել։