Եվրոպայում խոշորագույն նավթային ընկերությունը՝ Royal Dutch/Shell-ը, հայտարարել է, որ մտադիր է վաճառել Ավստրալիայում գտնվող նավթավերամշակման իր ընկերությունը՝ հաղորդում է RBK-ն:
Հաղորդվում է, որ վաճառքի հիմնական նպատակն է ներդրումները կենտրոնացնել Shell-ի ավելի լայնածավալ նախագծերի իրագործման վրա: Ընկերությունը մտադիր է բարձրացնել վառելիքի մեծածախ և մանրածախ վաճառքը և մեծացնել նավթային պահեստների և խողովակների թիվը:
Shell-ը նշել է, որ փնտրելու է գնորդ, որը հարկ եղած կերպով կվարվի գործարանի անձնակազմի հետ, կկարողանա ապահովել հուսալի մատակարարումներ ընկերությունների և հաճախորդների համար, կկարողանա գործարանի աշխատանքն այնպես կազմակերպել, որպեսզի այն վնաս չհասցնի շրջակա միջավայրին և Գիլոնգի բնակիչների առողջությանը:
Ընկերությունը մտադիր է գործարանի վաճառքի գործարքն ավարտել մինչև 2014թ. վերջ:
Հարկ է նշել է, որ Royal Dutch/Shell-ը Ավստրալիայում աշխատում է ավելի քան 110 տարի:
