ԱՄՆ սենատոր Ջոն Մաքքեյնը հայտարարել է, որ ԱՄՆ նախագահական ընտրությունների հանրապետական թեկնածու Դոնալդ Թրամփը չի հասկանում խնդիրները, որոնք առաջացել են սիրիական հակամարտությունում Ռուսաստանի նոր դերակատարումից: Այս մասին նա հայտարարել է CNN հեռուստաալիքին տված հարցազրույցի ժամանակ:
Ավելի վաղ Թրամփը հավանության էր արժանացրել Սիրիայում ռուսական ավիահարվածները, եթե դրանք ուղված են ԴԱԻՇ- գրոհայինների դեմ:
«Չեմ կարծում, որ նա բավականին լավ է հասկանում իրավիճակը: Եվ նա սեփական կարծիքի իրավունք ունի»,- ասել է Մաքքեյնը:
Սենատորը հավելել է, որ ինքն անձամբ գիտի, թե ինչ իրավիճակ է տիրում Սիրիայում, և նշել է, որ իրենք արել են այն, ինչ պետք է անեին:
