Սիրիայի նախագահ Բաշար Ասադը կարծում է, որ արևմտյան երկրները շատ բաներում մեղավոր են Եվրոպայում ներկայիս միգրացիոն ճգնաժամի համար, հաղորդում է SANA սիրիական պետական գործակալությունը:
«Նրանք տեղի ունեցողը նկարագրում են որպես հումանիտար աղետ, որից նրանք ցավ են ապրում, սակայն իրականում նրանք ստեղծված իրավիճակի գլխավոր մեղավորներն են` ահաբեկչությանը աջակցելու և պատժամիջոցների համար, որոնք սահմանել են Սիրիայի դեմ»,- ասել է Ասադը իրանական Khabar TV հեռուստաալիքին տված հարցազրույցում:
«Նրանք մի ձեռքով կրակում են սիրիացի փախստականների վրա, իսկ մյուս ձեռքով կերակրում են նրանց: Ահա թե ինչ է անում Արևմուտքը»,-հայտարարել է սիրիացի առաջնորդը:
