Գերմանիայի կանցլեր Անգելա Մերկելը հայտարարել է, որ Սիրիայում ճգնաժամը հնարավոր չէ լուծել միայն ռազմական միջամտության օգնությամբ, անհրաժեշտ են նաև քաղաքական մեթոդներ ու բանակցություններ: Այս մասին հաղորդում է Reuters-ը:
Նրա խոսքով՝ սիրիական հիմնախնդրի լուծմանը պետք է մասնակցեն ինչպես ընդդիմության ներկայացուցիչները, այնպես էլ Բաշար Ասադի կառավարությունը:
Նա հավելել է, որ քաղաքական լուծման համար կարևոր դերակատարություն կարող են ունենալ Գերմանիան, ԱՄՆ-ը, Ռուսաստանը, Սաուդյան Արաբիան, ինչպես նաև Ֆրանսիան և Մեծ Բրիտանիան:
Ավելի վաղ Ռուսաստանի Գլխավոր շտաբը հայտարարել է Սիրիայում իսլամիստների դիրքերին հարվածները ինտենսիվացնելու մասին:
