Սիրիայի կառավարական զորքերը ազատագրել են շիաների Սիթ-Սուքեյնա մզկիթը, որտեղ գտնվում է իմամ Հուսեյնի դստեր, Մուհամեդ մարգարեի ծոռան գերեզմանոցը: Մի շարք զինված ծայրահեղականներ, որոնք գրավել էին Դարայա արվարձանում գտնվող մուսուլմանական սրբավայրը, ոչնչացվել են:
Ինչպես հաղորդում է SANA պետական գործակալությունը, գրոհայինները Դամասկոսի արվարձանում տեղակայված կրոնական համալիրն օգտագործել են որպես կրակային դիրք: Մզկիթում հայտնաբերվել է նաև զինամթերքի պահեստ:
Հաղորդվում է, որ ռազմական գործողություններ են տեղի ունենում նաև Դումա քաղաքում (տեղակայված է Դամասկոսից 10 կմ հեռավորության վրա), որտեղ բանակային ստորաբաժանումներին հաջողվել է ոչնչացնել «Լիվա Ալ-Իսլամ» ավազակային խմբավորման շտաբը:
Բախումներ են տեղի ունեցել նաև մայրաքաղաքի հյուսիսային արվարձանում՝ Ջուբարում, որտեղ պահպանվում են դիմադրության օջախներ: Գրոհայինները կրակ են բացել Դահիյաթ Ալ-Ասադ թաղամասի վրա: SANA-ի տվյալներով՝ զոհվել է մեկ խաղաղ բնակիչ, ևս 2-ը վիրավորվել են:
