Գերմանիայի իշխանությունները չգիտեն երկրի տարածք մուտք գործած փախստականների ճշգրիտ թիվը: Այդ մասին հայտնում է telegraf.com.ua-ը:
«Քանի՞ փախստական է Գերմանիա ժամանել ապաստան փնտրելու` 140, 200 հազա՞ր, թե՞ 280 հազար: Թվում է իրական թիվը ոչ ոք չգիտի: Ինչպես նաև այն, թե ընդհանրապես Գերմանիայում քանի փախստական կա»,- գրված է n-tv հեռուստաալիքի կայքում:
Ինչպես պնդում է Քրիստոնեա-սոցիալիստական միություն կուսակցությունը, միայն սեպտեմբերին երկիր է ժամանել ավելի քան 200 հազար ապաստան փնտրող, իսկ դաշնային հողերում ասում են՝ 210-280 հազարի մասին: Միաժամանակ EASY-ի տվյալներով՝ սեպտեմբերի 1-ից 27-ը գրանցվել է միայն 138.151 մարդ: Նրանց կեսից ավելին սիրիացիներ են, մինչև 12%-ը՝ Իրաքից և Աֆղանստանից, իսկ 7%-ը՝ Բալկաններից: Հաշվարկների համաձայն՝ մոտ 290 հազար փախստականներ ընդհանրապես չեն գրանցվել:
