Ինչպես հաղորդում են գերմանական աղբյուրները, մայիսի 5-ին Գերմանիայի կանցլեր Անգելա Մերկելը կհանդիպի Պաղեստինյան ինքնավարության ղեկավար Մահմուդ Աբասի հետ:
Հանդիպումը կայանալու է կանցլերի հրավերով` «խաղաղության գործընթացի բոլոր կողմերի հետ համագործակցության» շրջանակներում, ասվում է Գերմանիայի կանցլերի գրասենյակի մամլո հաղորդագրության մեջ:
Der Spiegel թերթի տեղեկություններով, այս բանակցությունները նպատակ ունեն ներկայացնելու Մերկելի դիրքորոշումը հակամարտության կարգավորման վերաբերյալ: Մերկելը, ըստ թերթի, աննպատակահարմար է համարում Պաղեստինի անկախ պետության հռչակումը, որը նախանշված է սույն թվականի սեպտեմբերին ՄԱԿ-ում, ինչի մասին տեղյակ է պահելու Մահմուդ Աբասին:
Ավելի վաղ Մերկելը, հանդիպելով Իսրայելի վարչապետ Բենյամին Նաթանյահուին, հայտարարել էր, որ Գերմանիան չի պատրաստվում միակողմանի ճանաչել Պաղեստինի անկախությունը: