Էդուարդ Շարմազանովն ամփոփեց ՀՀԿ ԳՄ նիստը, անդրադառնալով ՀՀ նախագահի ելույթներին, նա որակեց որպես համահայկական առաջնորդի խոսք, խաղաղություն քարոզող, տարածաշրջանում և Մերձավոր Արևելքում սրվող իրավիճակով մտահոգ առաջնորդի ելյույթ, իսկ այցը՝ արդյունավետ: Կետ առ կետ նախագահի ելույթին անդրադարձ կատարելուց հետո Շարմազանովը պատասխանեց լրագրողների հարցերին:
Նա նաև նշեց, որ այցելել է սահմանամերձ գոտի՝ ոգեշնչելու, բայց այնտեղի բնակիչներն են իրեն ոգեշնչել. «Դուխ տվեցին և ճանապարհեցին: Հիացած եմ նրանց տոկունությամբ և հերոսությամբ»:
Շարմազանովը՝ պատասխանելով հարցին, թե ինչ հարցեր են քննարկել ՀՀ և ԱՄՆ նախագահները Նյու Յորքում կայացած կարճ հանդիպման ժամանակ, նշեց.«Տեղի է ունեցել կարճատև հանդիպում, որի ընթացքում քննարկվել են հայ-ամերիկյան հարաբերությունները, Լեռնային Ղարաբաղի հիմնահարցը: Մենք բարձր ենք գնահատում Ամերիկայի Միացյալ Նահանգների, ինչպես նաև մնացած համանախագահ երկրների ջանքերը՝ միտված Լեռնային Ղարաբաղի խաղաղ կարգավորմանը»:
