Նաիրիտցիները կրկին ոտքի են ելել և կառավարությունից պահանջում են «Նաիրիտ» գործարանի վերագործարկման ուղղությամբ ակտիվորեն աշխատել: «Նաիրիտի փակելը կնշանակի Հայաստանում վերացնել քիմիական արդյունաբերությունը»,- նշեցին «Առաջին լրատվական»-ի հետ զրույցում:
«Հարկավոր է, որ մեր կառավարությունը քաղաքական կամք ցուցաբերի, «Նաիրիտ»-ը միայն նաիրիտցիների խնդիրը չէ, ամբողջ Հայաստանի խնդիրն է,- կարծիք հայտնեցին նրանք,- այսօրվա մեր այս պատերազմական վիճակով մենք արդյունաբերություն չունենք, երկիրը ուժեղ է և՛ իր բանակով, և՛ արդյունաբերությամբ: Ինչքան էլ ուժեղ բանակ ունենանք, եթե ուժեղ տնտեսություն չունենանք, մենք ոչինչ չենք կարող անել»:
