ԱՄՆ նախագահ Բարաք Օբաման կատակել է, թե չգիտի ինչ անի՝ աղոթի, թե պարի, հայտնում է RIA Novosti-ն: Այդ հայտարարությամբ է նա սկսել իր բաժակաճառը ՄԱԿ-ի Գլխավոր ասամբլեայի շրջանակներում երկրների ղեկավարների համար կազմակերպված ճաշկերույթում:
Սկզբում ՄԱԿ-ում ելույթ ունեցավ Հռոմի պապը, իսկ հետո արդեն գագաթնաժողովի բացման շրջանակներում ելույթ ունեցավ երգչուհի Շակիրան:
«Միայն ՄԱԿ-ում կարող են Հռոմի պապ Ֆրանցիսկոսը և Շակիրան երևալ միևնույն հարթակում… և ես նույնիսկ չգիտեի աղոթեմ, թե պարեմ»,- ասել է Օբաման:
ԱՄՆ նախագահն անցում է կատարել ավելի գործնական տոնի, նշելով, որ ավարտվող գագաթնաժողովի շրջանակներում 17 նպատակ էր դրված: «Սա միայն առաջին քայլն է, և այժմ սկսվում է իրական աշխատանքը»,- նշել է Ամերիկայի առաջնորդը:
