«Առաջին լրատվական»-ի հետ զրույցում Կոռնիձոր ջոկատի հիմնադիր հրամանատար Արա Խուդավերդյանը, անդրադառնալով հակառակորդի վերջին օրերի գործողություններին, նշեց. «Հիմա մենք ապրում ենք արդեն հրթիռահրետանակոծային գնդակոծության ժամանակահատվածը, որը չհայտարարված պատերազմ է: Հայաստանի հանրապետության և գարանտ Ռուսաստանի կողմից կասեցնելու կանխելու փոխարեն, հակառակը՝ մենք օր օրի զոհերի, վիրավորների, գյուղերի, քաղաքների հրետանակոծումից հասկանում ենք, որ մենք ապրում ենք չհայտարարված պատերազմ. տուժում է խաղաղ բնակչությունը, քանդվում է խաղաղ բնակչության ունեցվածքը, ժողովուրդը գտնվում է հոգեբանական ցայտնոտի մեջ: Դեռ մեր պատերազմը ավարտված չէ, դեռ վերականգնված չենք, և Ռուսաստանը և համախոհ երկրներն իրավունք չունեն զարգացնելու պատերազմը:
Ես չեմ տեսնում հայոց պետականության գլխին կանգնած պետական այն այրերին, որոնք ինտրիգներից, հեգնանքներից բացի՝ լուրջ գործունեությամբ Ադրբեջանին դնեն իր տեղը, և Ռուսաստանին ցույց տան իր տեղը»:
