Ռուսաստանի ԱԳ նախարար Սերգեյ Լավրովը հայտարարել է, որ երկիրը կարիքավոր երկրներին չի պարտադրում քաղաքական մոդելներ, երբ օգնում է նրանց, հայտնում է TASS-ը:
Նա նշել է, որ երկրի քաղաքականության առանցքային խնդիրը գլոբալ մակարդակով աղքատության վերացումն է:
«Այդ ջանքերում արդյունավետ լծակներից մեկը նրանց թեթևացումն է պարտքի բեռից: Այդ շրջանակներում Ռուսաստանը մեծ պարտք ունեցող ամենաաղքատ երկրներից չեղյալ է հայտարարել միայն աֆրիկական երկրների 20 միլիարդ դոլարի պարտքը»,- ավելացրել է նախարարը:
Նա նշել է, որ միջազգային զարգացմանը աջակցության ծավալները Ռուսաստանի կողմից ավելանում են: «Անցյալ տարի դրանք աճել են ավելի քան 20%-ով: Միայն ՄԱԿ-ի համակարգով տրվել է ավելի քան 127 միլիոն դոլար: Իսկ արտասահմանյան երկրներին Ռուսաստանի օգնության ընդհանուր գումարը կազմել է 875 միլիոն դոլար»:
Լավրովի խոսքով՝ Մոսկվան շարունակում է մեծացնել իր մասնակցությունը միջազգային զարգացման մեջ:
