BBC-ի փոխանցմամբ՝ ռուսական «Գազպրոմ» ընկերությունը չի բացառել ձմեռային ժամանակաշրջանում դեպի Եվրոպա գազի տարանցման հարցում խնդիրների առաջացումը։ Ընկերության ղեկավար Ալեքսեյ Միլլերը հայտարարել է, որ դա կապված է նրա հետ, որ երեկ Ռուսաստանի, Ուկրաինայի և Եվրոպական հանձնաժողովի միջև ստորագրված գազային արձանագրությունը նախատեսում է գնել միայն 2 միլիարդ խորանարդ մետր ռուսական գազ, ինչը չի բավականացնի ցուրտ ձմռան ժամանակ։
Միլլերն ընդգծել է, որ արձանագրության վրա առկա երեք ստորագրությունները պարտավորեցնում են նաև Եվրոպական հանձնաժողովին։ Ռուսաստանը, Ուկրաինան ու Եվրոպական հանձնաժողովը նախորդ ուրբաթ համաձայնագիր են նախաստորագրել ձմեռային ժամանակահատվածում Ուկրաինային ռուսական գազ մատակարարելու համար։ Ուկրաինան ռուսական գազ չի ստանում այս տարվա հուլիսի 1-ից։
