Oilnews-ի փոխանցմամբ՝ Իրանը պատրաստ է պատժամիջոցների վերացումից հետո ամբողջովին ընդլայնել հում նավթի արտահանումը և հեշտությամբ կարող է նավթի օրական մատակարարումներն ավելացնել 500.000 բարելով։ Դրա մասին հայտարարել է Իրանական ազգային նավթային ընկերության (NIOC) միջազգային դեպարտամենտի տնօրեն Սեյեդ Մոհսեն Կամսարին։
Նա հիշեցրել է, որ վերջին երեք տարիներին համաշխարհային շուկա արտահանվել է մասշտաբային նոր հում նավթ՝ իրանական նավթի փոխարեն։ Կամսարին ընդգծել է, որ դրա համար էլ պատժամիջոցների վերացումից անմիջապես հետո նավթի արտահանումը կավելանա 500․000 բարելով։
Կամսարին հայտնել է, որ իրանական նավթի նախկին գնորդները պատրաստ են վերսկսել կամ մեծացնել դրա գնումները, և բացի այդ՝ հայտնվել են նոր երկրներ, որոնք հետաքրքրված են իրանական նավթի ներկրմամբ։ Իրանն արդեն իսկ բանակցություններ է սկսել Total, Eni և Saipem ընկերությունների հետ, որպեսզի նրանք մասնակցեն Պարսից ծոցի նավթահանքերի մշակմանը։
