Թուրքական Dünya Bülteni լրատվական կենտրոնի փոխանցմամբ՝ «Քրդստանի աշխատավորական» կուսակցության (PKK) զինյալները Շըրնաք նահանգի Բեյթուշեբափ շրջանում երկու առանձին հարձակում են իրականացրել անվտանգության ուժերի վրա։
Այդ մասին հայտնել է Թուրքիայի զինված ուժերի Գլխավոր շտաբը, որի հաղորդմամբ՝ հարձակումներից մեկն իրականացվել է ժամը 23:00-ին ու 05:40-ին։ Այդ հարձակումների հետևանքով զոհվել է 2 զինվոր։ Բացի դրանից՝ վիրավորվել է 8 զինծառայող և 1 «գյուղական պահապան»։
Թուրքիայի գլխավոր շտաբը հայտնել է, որ երկու հարձակումների ժամանակ առաջինը կրակ են բացել քուրդ զինյալները։ Վիրավոր զինծառայողներին տեղափոխել են Շըրնաքի հիվանդանոց։
