Նիգերիայի կառավարական բանակը «Բոկո հարամ» արմատական խմբավորման գերությունից ազատել է ավելի քան 240 կանանց ու երեխաների։ Հակաահաբեկչական գործողությունն անցկացվել է Բանկի քաղաքի մոտ՝ երկրի հյուսիսարևելյան Բոռնո նահանգում։ Այս մասին հայտնել է նիգերիական ԶՈւ պաշտոնական ներկայացուցիչ Սանի Ուսման՝ փոխանցում է TASS գործակալությունը։
Նրա խոսքով՝ ուժայիններին նաև հաջողվել է ձերբակալել ավելի քան 40 մարդու, ովքեր կասկածվում են ահաբեկչական գործունեությանը մասնակցություն ունենալու մեջ։ Ներկայում անցկացվում են քննչական միջոցառումներ՝ պարզելու ազատ արձակված անձանց ինքնությունը։
Միջազգային իրավապաշտպանների տվյալներով՝ 2014 թվականի հունվարից արմատականներն առևանգել են առնվազն 2000 կանանց ու աղջիկների։
