ԱՄՆ-ի նախագահ Բարաք Օբամայի բրիտանացի զարմուհին դատի է տվել ոստիկանությանը, քանի որ իր գործընկերները խանգարել են իրեն աշխատավայրում, հայտնում է The Telegraph-ը:
Մարի Աուման պահանջում է 400 հազար ֆունտ այն բանի համար, որ երկու տարի շարունակ նա հանդիսացել է ստորացման և ճնշումների առարկա:
Կնոջ փաստաբանները հայտնել են, որ նրա խնդիրները սկսվել են 2007 թվականից, երբ նրան մերժել են արձակուրդ տալ Քենյա գնալու համար, որտեղ նա ցանկանում էր այցելել իր երկու զոհված եղբայրների գերեզմանին:
Հետագայում, մշտական բացասական վերաբերմունքի պատճառով նրա մոտ առողջական խնդիրներ են առաջացել, որի պատճառով նա ազատվել է աշխատանքից:
