Սիրիական ընդդիմության մի քանի մարտիկներ, որոնց մարզել էին ամերիկացի հրահանգիչները, միացել են «Ջեբհաթ Ալ-Նուսրա» ահաբեկչական խմբավորմանը և հանձնել ողջ զենքը։ Այս մասին Sputnik -ին հայտնել է Թել-Ռիֆաթ քաղաքում գործակալության աղբյուրը։
Նրա խոսքով՝ չափավոր ընդդիմության մարտիկները հանձնել են մոտ 30 միավոր ռազմական տեխնիկա և իրենց ողջ զենքը։ Նրանք խմբավորմանը երդում են տվել։ Աղբյուրը նշել է, որ գրոհայինները գտնվում են քաղաքի դպրոցում, որը, ինչպեսև մյուսները, օգտագործվում են որպես զենքի պահեստ։
Ինչպես ավելի վաղ հայտնել էր ԱՄՆ զինված ուժերի կենտրոնական հրամանատարությունը՝ երկուշաբթի սիրիական ընդդիմության մոտ 70 մարտիկներ, որոնց մարզել էին ամերիկացի հրահանգիչները, Թուրքիայից անցել են Սիրիայի տարածք։
