Հեռահաղորդակցական կապերի խոշոր արտադրող Alcatel-Lucent ընկերությունը հրապարակել է Motive Security Labs H1 2015 Malware Report հետազոտության արդյունքները` նվիրված վիրուսային սպառնալիքներին: Այն անալիզի է ենթարկել ավելի քան 100 մլն սարքավորում: Փորձագետները պարզել են, որ բջջային ցանցերում 5 վնասակար հավելվածներից 4-ը պատկանում է Windows-ին:
Նշենք, որ այս առումով Microsoft-ը 80 տոկոս ցուցանիշով առաջատար է: Android-ը վնասակար է 20 տոկոսով:
Ցուցակում Windows-ն առաջատար է այն պատճառով, որ օգտատերերն ավելի հաճախ են նախընտրում համակարգիչներն ու նոթբուքները Wi-Fi ցանցերի կամ սմարթֆոնների միջոցով միացնել համացանցին:
2015-ի առաջին կեսին Windows-ի` բջջային ցանցերով տարածած վնասակար ծրագրերի քանակը զգալիորեն աճել է` հասնելով 0.6 տոկոս ցուցանիշի:
