ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ Դաշինքը կուժեղացնի մասնագիտական և ռազմատեխնիկական օգնությունը Ուկրաինայի Պաշտպանության նախարարությանը, հայտնում է korrespondent.net-ը: Այդ մասին նա ասել է Ուկրաինայի վարչապետ Արսենի Յացենյուկի հետ համատեղ մալո-ասուլիսի ժամանակ:
Նրա խոսքով` ՆԱՏՕ-ն կօգնի Ուկրաինայի ռազմական և քաղաքացիական անձնակազմի նախապատրաստման և ուսուցման գործում:
Բացի դրանից, Ստոլտենբերգը նշել է Ռուսաստանի նկատմամբ տնտեսական պատժամիջոցների հարցի քննարկման կարևորությունը և հայտնել, որ դաշինքը կողմ է Մինսկի պայմանավորվածությունների ամբողջական կատարմանը: Նա նաև կոչ է արել Ռուսաստանին դադարել Դոնբասի անջատողականներին աջակցելը:
Իր հերթին Յացենյուկը հայտարարել է, որ Ուկրաինան Վարշավայում ՆԱՏՕ-ի գագաթնաժողովից սպասում է դաշինքին ապագա անդամության վերաբերյալ կոնկրետ որոշումների: Վարչապետը հույս է հայտնել, որ արդյունքում Ուկրաինան կդառնա ՆԱՏՕ-ի անդամ:
