Լոնդոնի «Չելսի»-ի գլխավոր մարզիչ Ժոզե Մոուրինյոն իր կարծիքն է հայտնել Մայքլ Դինի մրցավարական անձնակազմի աշխատանքի մասին, որը սպասարկում էր «արիստոկրատներ»-ի՝ «Արսենալ»-ի դեմ հանդիպումը:
«Կարծում եմ՝ պետք է խոսել Գաբրիել Պաոուլիստայի մասին: Ֆուտբոլիստի և նրա սխալների մասին: Դիեգո Կոստան խաղաց այնպես, ինչպես պետք է խաղար: Դիեգոն ֆանտաստիկ խաղաց: Մրցավարն այնտեղ էր: Նույն մրցավարը որոշումներ էր կայացնում ամբողջ խաղի ընթացքում և երկու անվիճելի 11 մետրանոց չնշանակեց՝ «Արսենալ»-ի դարպասը: Սակայն, այնուամենայնիվ, որոշումները կայացնում է հենց մրցավարը: Այդպիսին են կանոնները:
Այն, ինչ Էդեն Ազարի նկատմամբ արեց Գաբրիել Պաուլիստան, թույլատրված է ռեգբիում, բայց ոչ ֆուտբոլում: Ռեգբիում դա ֆանտաստիկ հնարք կլիներ, իսկ ֆուտբոլում 11 մետրանոց էր»,- Daily Mail-ը մեջբերում է Մոուրինյոյի խոսքերը:
