Բրիտանական Briggs Automotive ընկերությունը մշակել է Marine Edition Mono սուպերմեքենան, որը կարող է տեղակայվել զբոսանավերում։ Մեկտեղանի մեքենան կներկայացվի սեպտեմբերի վերջին՝ Մոնակոյում զբոսանավային շոուի ժամանակ։ Այս մասին հայտնում է The Daily Mail-ը։
2.5 լիտրանոց շարժիչով զինված մեքենան կշռում է 580 կգ։ Նավարկության ժամանակ մեքենան կտեղավորվի զբոսանավի հատուկ բաժանմունքում։ Սուպերմեքենան պատված է հակաքայքայիչ միջոցով, որը կպաշտպանի այն աղի ջրից և քամուց։
Մեքենան կարելի է գնել պատվերով։ Այն արժե 775 հազար դոլար։ Արտադրողները կարծում են, որ նորույթը ժողովրդականություն կվայելի։ Camper & Nicholsons ընկերության ներկայացուցչի խոսքով՝ մեքենայով արդեն մի քանի հետաքրքրվող կա։
