Ճապոնիայի գլխավոր հյուպատոսությունը բողոքի նոտա է հղել The New York Times-ին, որը ծաղրանկար է հրապարակվել «Ֆուկուսիմա-1» ատոմակայանի վթարի թեմայով: Ծաղրանկարում Սպիտակաձյունիկը, որին ծեր կինը խնձոր է առաջարկում, հարցնում է. «Մի րոպե… Հո Ճապոնիայից չե՞ք…»:
Վրդովմունք է առաջացրել ոչ միայն ծաղրանկարի հնարավորությունն այդ թերթում, այլև հենց նրա բովանդակությունը: Գրիմ եղբայրների հեքիաթի համաձայն, Սպիտակաձյունիկը, ուտելով այդ խնձորը, խոր քուն է մտնում:
Հյուպատոսության հաղորդագրության մեջ նշվում է, որ այսօրինակ ծաղրանկարները ամերկացիների մեջ չպատճառաբանված մտահոգություն կարող են առաջացնել Ճապոնիայից ներկրվող սննդամթերքի նկատմամբ: Այս մասին հաղորդում է Kyodo գործակալությունը: Ծաղրանկարը հրապարակվել է International Herald Tribune-ում, որը պատկանում է The New York Times-ին:
