Հոլանդացի լրագրող Հարալդ Դորնբոսը պատվիրել և Nieuwe Revu պարբերականում ցուցադրել է Հոլանդիայի վարչապետ Մարկ Ռյուտեի լուսանկարով սիրիական անձնագիր, հայտնում է gazeta.ru-ն:
Անձնագրում նրա անունը գրված է եղել Մալեկ Ռամադան, իսկ ծննդավայրը` Դամասկոս: Նա այդպես է արել ապացուցելու համար, որ ներգաղթյալների անվան տակ Եվրոպա կարող են ներթափանցել ահաբեկիչներ:
«Սիրիական փաստաթղթեր կարող է ստանալ գործնականորեն ցանկացած մարդ: Ես անձամբ դա ստացա մի զանգով`40 ժամ հետո: Հակամարտության սկսման պահին Սիրիայում կային հազարավոր դատարկ անձնագրեր, իսկ հատուկ տպիչները ընկել են զինյալների ձեռքը: Եվ նրանք պատրաստ են այն վաճառել ցանկացած մարդու` ցանկացած անունով և անձնական տվյալներով»,- գրել է Դորնբոսը:
