Ադրբեջանական APA լրատվական գործակալության փոխանցմամբ՝ սեպտեմբերի 24-25-ը Նյու Յորքում տեղի է ունենալու Հայաստանի և Ադրբեջանի արտգործնախարարների հանդիպումը։ Այդ մասին այսօր կազմակերպված մամուլի ասուլիսի ժամանակ հայտարարել է Ադրբեջանի արտգործնախարար Էլմար Մամեդյարովը։
Նրա խոսքով՝ համանախագահները նախևառաջ առանձին հանդիպումներ են ունենալու Հայաստանի ու Ադրբեջանի արտգործնախարարների հետ, իսկ հետո տեղի է ունենալու համատեղ հանդիպում: «Վերջին շրջանում հաճախակիացել են հրադադարի ռեժիմի խախտման դեպքերը։
Հուսով եմ, որ այդ հանդիպման ժամանակ մենք կհասնենք որևէ արդյունքի։ Այդ ոլորտում Ռուսաստանն ամրապնդել է իր դիվանագիտությունը։ Սերգեյ Լավրովը ժամանեց Ադրբեջան, ես եղա Մոսկվայում։ Սակայն արդյունքի հասնելու համար մենք պետք է աշխատենք։ Մենք պետք է քննարկենք մի շարք հարցեր։ Ռուսաստանը շարունակում է աջակցել ԵԱՀԿ Մինսկի խմբին։ Կփորձենք հասնել արդյունքների, դժվար է նախապես ասել»,- ասել է նա։
