BMW ընկերությունը Ֆրանկֆուրտի ավտոսրահում ներկայացրել է առաջատար մոդելի յոթերորդ սերիան, հայտնում է Lenta.ru-ն: Ինչպես նշել են ընկերությունում, ավտոմեքենան իր մեջ կենտրոնացնում է բոլոր վերջին նորարարությունները, այդ թվում՝ վարորդին օգնող խելացի համակարգը:
Նորարարությունների մեջ մտնում են ածխապլաստիկե թափքը և լազերային լուսարձակները: Մեքենայում տեղադրված է սենսորային էկրանով և շարժումներով ղեկավարվող ֆունկցիայով iDrive օպերացիոն համակարգը:
Հատուկ ինտերակտիվ բանալու օգնությամբ ավտոմեքենայի տերը կկարողանա իրականացնել հեռակառավարվող կայանում: Դրա համար հարկավոր կլինի մեքենայից դուրս գալ և ակտիվացնել համապատասխան ֆունկցիան:
Մեքենայի հետևի նստարաններն ունեն մերսման ֆունկցիա: Համայնապատկերային տանիքն ունի ենթալուսավորություն և բջջային հեռախոսների համար լիցքավորման սարք:
