Գերմանիայի կանցլեր Անգելա Մերկելը համարում է, որ ԵՄ երկրներին չի կարելի սպառնալիքով ստիպել ավելի շատ փախստականների ընդունել, հայտնում է RIA Novosti-Ն:
«Ես մտածում եմ, որ մենք պետք է վերականգնենք եվրոպական ոգին, և անձամբ ես շատ քիչ հույս ունեմ, որ դրան կարելի է հասնել սպառնալիքներով: Եվրոպայում միշտ եղել են հայացքների տարբերություններ, և դա առաջին անգամը չէ», ասել է նա` մեկնաբանելով Ավստրիայի կանցլեր Վերներ Ֆայմանի դիրքորոշումը, ով ավելի վաղ հանդես է եկել Եվրոպական կառուցվածքային հիմնադրամի կողմից եվրոպական այն երկրների վճարումների պակասեցման օգտին, ովքեր չեն ուզում ընդունել փախստականների:
Բրյուսելում արտահերթ հանդիպման ժամանակ ԵՄ երկրների ՆԳ նախարարները պայմանավորվել են Իտալիայում և Հունաստանում գտնվող 34 հազար փախստականների տեղաբաշխման սկզբունքի վերաբերյալ: Եվրահանձնաժողովը պնդում է, որ ԵՄ երկրները ընդունեն ևս 120 հազար փախստականների:
Այդ հարցով վերջնական որոշումը կնդունվի հոկտեմբերի 8-ին Լյուքսեմբուրգում:
