Սեպտեմբերի վերջի անսովոր մեծ «արյունոտ լուսինը կկարողանան տեսնել Հյուսիսային և Հարավային Ամերիկայի, Եվրոպայի, Ռուսաստանի, Արևմտյան Ասիայի և Օվկիանիայի արևելյան մասի բնակիչները: Այս մասին հայտնում է RIA Novosti-ն՝ հղում անելով NASA-ի մամլո ծառայությանը:
«Այդ ֆենոմենը ոչ մի անհանգստություն չպետք է առաջացնի Երկրի բնակիչների շրջանում: Միակ տհաճ բանը, որ կարող է ձեզ հետ լինել, առավոտյան պարանոցի շրջանում ցավերն են, որ դուք կունենաք ամբողջ գիշեր լուսնին նայելով»,- ասել է 2009 թվականից Երկրի արբանյակն ուսումնասիրող LRO զոնդի գիտական ղեկավարի տեղակալ Նոյ Պետրոն:
Այդ «արյունոտ լուսինը», նրա խոսքով, յուրահատուկ կլինի նրանով, որ միաժամանակ նաև «սուպերլուսին» կլինի՝ դրա սկավառակը սովորականից մոտ 14%-ով մեծ կթվա իր բնական արբանյակին Երկրի առավելագույնը մոտենալու պատճառով:
Վերջին այդպիսի դեպքը եղել է ավելի քան 30 տարի առաջ՝ 1982 թ., հաջորդ անգամ այդպիսի համադրություն կլինի 2033 թ.:
NASA-ի ընթացիկ հաշվարկների համաձայն՝ «արյունոտ լուսինն» իր «արշալույսը» կսկսի սեպտեմբերի լույս 28-ի գիշերը՝ մեր ժամանակով ժամը 4:11-ին, ամբողջովին կկարմրի առավոտյան ժամը 5-ին մոտ, երբ Երկրի ստվերն ամբողջովին կփակի Լուսնին:
