Թուրքիայի տարածքում ՆԱՏՕ-ի հրթիռային պաշտպանության համակարգերի (ՀՊՀ) տեղակայվելն ուղղված է Իրանի ազգային շահերի դեմ, եւ Թուրքիան՝ որպես մուսուլմանական երկիր, չպետք է համաձայնվեր իր տարածքում տեղակայել այլ երկրների հրթիռային համակարգեր, որոնք կօգտագործվեն մուսուլմանների վրա հարձակաման համար, այս մասին հայտնում է իրանական կայքերը: «Թուրքիան համաձայնել է իր տարածքում տեղակայել ՆԱՏՕ-ի ՀՊՀ-երը, և այդ մասին պաշտոնապես կհայտարարվի նոյեմբերի 18-ին կայանալիք ՆԱՏՕ- անդամ երկրների հերթական համաժողովի ժամանակ: Թուրքիայի կառավարությունը համաձայնել է գնալ այդ քայլին` առաջ քաշելով 3 նախապայման. ա) ամերիկյան ՀՊՀ-երի փոխարեն, պետք է տեղակայվեն ՆԱՏՕ-ի ՀՊՀ-եր, բ) ՀՊՀ-եր պետք է տեղակայվեն ՆԱՏՕ-ի անդամ բոլոր երկրներում, գ) Թուրքիան դեմ է, որ հրթիռային համակարգերի ուղին շեղվի այն երկրների ուղղությամբ, որոնք նախկինում ընդգրկված էին «Սառը պատերազմի» տիրույթում»,-նշված է իրանական կայքում «Արաննյուզ»-ը: Նույն կայքի փոխանցմամբ, վերջերս Անկարայի համալսարանի դասախոս, քաղաքագետ Հասան Քենին տեսակետ էր հայտնել, որ եթե Թուրքիան համաձայնի իր տարածքում տեղակայել ՆԱՏՕ-ի հակաօդային պաշտպանության համակարգերը, ապա Իրանը Սիրիայի եւ Լիբանանի եւ մնացյալ բոլոր շիական խմբերին կմոբիլիզացնի ընդդեմ Թուրքիայի: