Ս.թ. մարտի 26-ին ք. Աշտարակ, Սիսակյան փողոց 1 հասցեում պաշտոնապես բացվել է Կոնվերս Բանկի 34-րդ մասնաճյուղը: «Աշտարակ» մասնաճյուղը լավագույնս հարմարեցված է բանկային ժամանակակից ծառայությունների սպասարկման ստանդարտներին, հագեցած է անհրաժեշտ սարքավորումներով և հմուտ անձնակազմով:
Հիշեցնենք, որ մարտի սկզբին շահագործման հանձնվեց նաև Կոնվերս Բանկի «Դավիթաշեն» մասնաճյուղը: Բացի այդ, մարտի սկզբին նոր հասցեում բարելավված նոր պայմաններով վերագործարկվեց նաև Սևան քաղաքի մասնաճյուղը:
Ներկայում Կոնվերս Բանկը Երևան քաղաքում ունի 15, իսկ ՀՀ մարզերում 19 մասնաճյուղ` ներառյալ երկու Փոստբանկ մասնաճյուղերը` Երևան և Կապան քաղաքներում:
Նպատակ ունենալով անընդհատ կատարելագործել իր բանկ-հաճախորդ հարաբերությունները` Կոնվերս Բանկը շարունակաբար բարելավում է և՛ իր մասնաճյուղերը, և՛ առաջարկվող պրոդուկտները` ապահովելով բարձր չափանիշներին համապատասխանություն և հաճախորդների սպասարկման համար առավել բարենպաստ և ժամանակակից պայմաններ:
Ընդամենը վերջին մեկ տարվա ընթացքում Բանկի հաճախորդների թվաքանակն ավելացել է ավելի քան 40%-ով, գերազանցելով նախորդ տարվա համար պլանավորած ցուցանիշը: Մանրածախ բանկային ծառայությունների ոլորտում Բանկի ակտիվ գործունեության և հաճախորդների ցուցաբերած բարձր վստահության մասին է վկայում նաև տրամադրած պլաստիկ քարտերի գրեթե 90 տոկոս աճը, որոնց քանակն արդեն իսկ գերազանցել է 100,000-ի սահմանագիծը:
Շուտով կբացվի Կոնվերս Բանկի ևս մեկ նոր մասնաճյուղ՝ Դիլիջան քաղաքում:
