2013 թվականի հունվար-փետրվարին «Հարավկովկասյան երկաթուղի» ՓԲԸ-ն փոխադրել է 414,3 հազ. տոննա բեռ, ինչը 12,4%-ով գերազանցում է անցյալ տարվա նույն ժամանակահատվածի ցուցանիշը:
Արտահամնան հաղորդակցությունում ՀԿԵ-ի բեռնափոխադրումների ծավալը 2013 թվականի 2 ամիսներին կազմել է 61,3 հազար տոննա, ինչը 7% գերազամցում է անցյալ տարվա ցուցանիշը: Ներմուծման հաղորդակցությունում 2013 թվականի հաշվետու ժամանակահատվածում փոխադրվել է 143,4 հազար տոննա բեռ՝ 2,3%-ով նվազելով 2012 թվականի հունվար-փետրվարի համեմատ:
Իսկ բեռնափոխադրումների ծավալը տեղական հաղորդակցությունում կազմել է 209,6 հազար տոննա (աճ 27,5%-ով):
Այսպիսով, ընկերությունում շարունակվում է գործունեության հիմնական ցուցանիշների՝ այդ թվում նաև բեռնափոխադրումների ծավալների աճը: Նման արդյունքներին հնարավոր եղավ հասնել շարժակազմի ծառայությունների որակի բարձրացման, փոխադրումների ժամկետների կրճատման և սակագնային առաջարկների ձևավորման ուղղություններով տարվող ՀԿԵ-ի միջոցառումների շնորհիվ:
Երկաթուղային ենթակառուցվածքի հուսալիության մակարդակի բարձրացումը թույլ տվեց կրճատել փոխադրումների ժամկետները, բարձրացնել բեռնափոխադրումների հուսալիությունը, կրճատել բեռի վնասման և կորստի ռիսկերը:
ՀԿԵ-ում էապես բարելավվել են լոկոմոտիվների և բեռնատար վագոնների շահագործման ցուցանիշները
2013 թվականի հունվար-փետրվարին «Հարավկովկասյան երկաթուղի» ՓԲԸ-ում էապես բարելավվել են լոկոմոտիվների և բեռնատար վագոնների շահագործման ցուցանիշները: Վերջին վիճակագրական տվյալների համաձայն՝ մեկ բեռնատար վագոնի շրջանառությունը 2012 թվականի հունվար-փետրվարի հետ համեմատ արագացել է 1,3 օրով կամ 48,1%-ով:
Ըստ վիճակագրական տվյալների՝ հունվար-փետրվարին մեկ վագոնը շրջանառությունում էր գտնվել միջինում 2,7 օր:
Մեկ վագոնի միջին արտադրողականությունը 2013 թվականի առաջին երկու ամիսներին կազմել է 5618 տկմ նետտո/վագոն, ինչը 47,1%-ով գերազանցում է 2012 թվականի նույն ժամանակահատվածում գրանցված ցուցանիշը:
Բարելավվել են նաև լոկոմոտիվների շահագործման ցուցանիշները: Մեկ լոկոմոտիվի միջին օրական վազքը կազմել է 367,9 լոկ-կմ, ինչը 9,9%-ով գերազանցում է 2012-ի ցուցանիշը:
Ընկերությունը նման արդյունքների կարողացել է հասնել ենթակառուցվածքի և շարժակազմի արդիականացման, գնացքների անվտանգության ապահովման շնորհիվ: