Նախօրեին ԶԼՄ-ներում հայտնված տեղեկատվությունն այն մասին, որ ԱՄՆ-ում իբր ձերբակալվել է ռուս միլիարդատեր Ռոման Աբրամովիչը, դարձել է գործարարին պատկանող բիզնեսի բաժնետոմսերի գնի անկման պատճառ:
Չնայած Աբրամովիչի ներկայացուցիչը արագորեն արձագանքեց և հերքեց այդ տեղեկատվությունը, ընկերությունների կապիտալիզացիան, որոնցում Աբրամովիչը մասնակցություն ունի, աճուրդի ընթացքում նվազել է մի քանի բորսաներում:
Ինչպես հաղորդում է բրիտանական The Telegraph պարբերականը, «Եվրազ» ընկերության բաժնետոմսերի գինը մեկ ժամվա ընթացքում նվազել է 5%-ով: Կորպորացիան առավելագույնը կորցրել է 6.6%: Այսպիսով՝ 2.9 միլիարդ դոլարի կապիտալիզացիայի դեպքում Աբրամովիչի փաթեթը կորցրել է 59 միլիոն դոլար:
Տեղեկատվությունն ազդել է նաև «Նորնիկելյա» և «Ռուսալ» ընկերությունների բաժնետոմսերի գնի վրա Մոսկվայի բորսայում. դրանք նվազել են 2%-ով:
