Շանհայում ավտոմեքենաների պետհամարանիշների գրանցման արժեքը այս ամիս գերազանցել է 90 հազար յուանը (մոտ 14.5 հազար դոլար): Այդ գումարը բավարար է չինական արտադրության երեք բյուջետային մեքենա ձեռք բերելու համար՝ հաշվարկել են տնտեսական ոլորտի տեղի լրագրողները: Այս մասին հայտնում է ITAR-TASS-ը:
Վերջին տարիներին քաղաքային իշխանությունների կողմից իրականացվող քաղաքականությունը՝ ուղղված փողոցներում անձնական տրանսպորտային միջոցների թվաքանակի սահմանափակմանը, կայանում է թողարկված հաշվառման համարների թվի քվոտայի սահմանման մեջ: Շուրջ 23 մլն բնակչություն ունեցող քաղաքում ամեն ամիս հաշվառման է դրվում ընդամենը 8-9 հազար մեքենա:
Ավտոմեքենայի պետհամարանիշ ստանալ ցանկացողները պետք է աճուրդի մասնակցեն, որի ընթացքում մասնակիցները իրենց խաղադրույքները բարձրացնում են այնքան ժամանակ, քանի դեռ վճարման պատրաստ մեքենավարների թիվը չի կրճատվում՝ հասնելու ընթացիկ ամսվա՝ քվոտայով սահմանված համարների թվաքանակին:
