Apple Watch «խելացի» ժամացույցն այրվածքներ է առաջացրել Մեծ Բրիտանիայի բնակչուհու դաստակին՝ հայտնում է Daily Mail-ը։
Տուժածի խոսքով՝ մեքենայով տևական ուղևորության ժամանակ ժամացույցը տաքացել է վառ արևի տակ, ինչի պատճառով մետաղական կորպուսն այրել է դաստակի մաշկը։ Կինը փորձել է այն վերադարձնել, սակայն դա նրան հաջողվել է երրորդ անգամից։ Նրան նույնիսկ առաջարկել են նորը, սակայն կինը հրաժարվել է։
Նշվում է, որ բրիտանուհին Apple-ի ժամացույցից միակ տուժածը չէ։ Twitter-ի օգտատերերը սկսել են ակտիվորեն տեղադրել ժամացույցից կրած վնասի լուսանկարներ։
